ઇન્ડિયન પ્રીમિયર લીગની 17મી સીઝન હવે થોડાક જ દિવસો દૂર હોય તેવું લાગી રહ્યું છે. જોકે IPL માટે હજુ સુધી કોઈ તારીખ નક્કી કરવામાં આવી નથી, પરંતુ ટુર્નામેન્ટ માર્ચના અંતમાં શરૂ થવાની ધારણા છે. આઈપીએલમાં ઘણા ખેલાડીઓમાં પોતાનું નામ મોટું કર્યું. આ લીગે ખેલાડીઓની કારકિર્દી બદલવામાં મહત્વની ભૂમિકા ભજવી છે. આ લીગે ભારતને હાર્દિક પંડ્યા, જસપ્રિત બુમરાહ, રિંકુ સિંહ જેવા ઘણા સ્ટાર ખેલાડીઓ આપ્યા છે. આ વખતે પણ ઘણા ખેલાડીઓ ટૂર્નામેન્ટમાં ડેબ્યૂ કરવા માટે તૈયાર છે, પરંતુ આજે અમે એવા પાંચ ખેલાડીઓ વિશે વાત કરીશું જેમણે હાલના સમયમાં આંતરરાષ્ટ્રીય ક્રિકેટમાં શાનદાર પ્રદર્શન કર્યું છે અને હવે IPLમાં ડેબ્યૂ કરવા માટે તૈયાર છે.
આ 5 સ્ટાર્સ IPL 2024માં ડેબ્યૂ કરી શકે છે
શમર જોસેફઃ વેસ્ટ ઈન્ડિઝનો સ્ટાર યુવા ખેલાડી શમર જોસેફ પ્રથમ વખત ઈન્ડિયન પ્રીમિયર લીગમાં રમશે. ઓસ્ટ્રેલિયા સામેની ટેસ્ટ શ્રેણીમાં શાનદાર પ્રદર્શન બાદ જોસેફનું નામ આખી દુનિયામાં જાણીતું બન્યું હતું. ટૂર્નામેન્ટની આગામી સિઝન માટે માર્ક વુડના સ્થાને લખનૌ સુપરજાયન્ટ્સ દ્વારા તેની પસંદગી કરવામાં આવી છે. ઈંગ્લેન્ડ ક્રિકેટ બોર્ડે વુડને તેના વર્કલોડને મેનેજ કરવા માટે ટૂર્નામેન્ટમાંથી બહાર કરવાનો નિર્ણય કર્યો છે. જોસેફને સુપર જાયન્ટ્સે 3 કરોડ રૂપિયામાં સાઈન કર્યો છે.
ગેરાલ્ડ કોએત્ઝી : ટુર્નામેન્ટમાં આવનાર અન્ય એક આંતરરાષ્ટ્રીય સુપરસ્ટાર દક્ષિણ આફ્રિકાનો ફાસ્ટ બોલર કોએત્ઝી છે. જમણા હાથના ફાસ્ટ બોલરે ODI વર્લ્ડ કપ 2023માં રેકોર્ડ 20 વિકેટ લીધી હતી. તેણે વર્લ્ડ કપ સિઝનમાં દક્ષિણ આફ્રિકાના બોલર દ્વારા સૌથી વધુ વિકેટ લેવાનો રેકોર્ડ પણ બનાવ્યો હતો. IPL 2024ની હરાજીમાં તેને મુંબઈ ઈન્ડિયન્સે 5 કરોડ રૂપિયામાં સાઈન કર્યો હતો. IPL 2021 દરમિયાન રાજસ્થાન રોયલ્સ દ્વારા લિયામ લિવિંગસ્ટોનના સ્થાને કોએત્ઝીની પસંદગી કરવામાં આવી હતી, પરંતુ તે પછી તેને કોઈ મેચ રમવાની તક મળી ન હતી.
નાન્દ્રે બર્જર: દક્ષિણ આફ્રિકાનો ડાબોડી ફાસ્ટ બોલર, બર્જર આઈપીએલ લાઇન-અપમાં અન્ય દક્ષિણ આફ્રિકાનો સ્ટાર છે. તેણે તાજેતરની ભારત વિ દક્ષિણ આફ્રિકા ટેસ્ટ શ્રેણી દરમિયાન તેના પ્રદર્શનથી ઘણાને પ્રભાવિત કર્યા, જ્યાં તેણે 11 વિકેટ લીધી, જે દક્ષિણ આફ્રિકા માટે સંયુક્ત-સૌથી વધુ હતી. બર્જરને રાજસ્થાન રોયલ્સે હરાજીમાં માત્ર 50 લાખ રૂપિયામાં સાઈન કર્યો હતો.
સ્પેન્સર જોન્સન : ઓસ્ટ્રેલિયન ફાસ્ટ બોલર સ્પેન્સર જોન્સન માટે 2023 યાદગાર વર્ષ હતું. તેણે બ્રિસ્બેન હીટ માટે BBLની 12મી સિઝનમાં પ્રભાવશાળી પ્રદર્શન કર્યું હતું, જ્યાં તેણે ટૂર્નામેન્ટમાં 19 વિકેટો લીધી હતી. જોસ બટલર અને ફિલ સોલ્ટ જેવા ખેલાડીઓ સામે બોલિંગ કરીને જ્હોન્સને ધ હન્ડ્રેડમાં તેના ડેબ્યૂ પર ઓવલ ઇન્વિન્સીબલ્સ માટે ત્રણ વિકેટ લીધી હતી. IPL 2024ની હરાજીમાં તેને ગુજરાત ટાઇટન્સ દ્વારા રૂ. 10 કરોડનું જંગી પર્સ મળ્યું હતું.
રચિન રવિન્દ્રઃ ન્યૂઝીલેન્ડનો યુવા સ્ટાર રચિન રવિન્દ્ર પણ આઈપીએલ ડેબ્યૂ માટે તૈયાર છે. ODI વર્લ્ડ કપ 2023 માં રેકોર્ડ તોડ્યા પછી, આગામી સિઝન માટે ચેન્નાઈ સુપર કિંગ્સે રૂ. 1.80 કરોડમાં રચિનને પસંદ કર્યો હતો. તે તાજેતરમાં દક્ષિણ આફ્રિકા સામેની ટેસ્ટ શ્રેણીનો ભાગ હતો અને તે બોલ સ્પિન કરવાની ક્ષમતા ધરાવતો ટોપ ઓર્ડર બેટ્સમેન છે.
