Today Gujarati News (Desk)
ગોળીબારની ઘટના શનિવારે વોશિંગ્ટનના કેપગ્રાઉન્ડમાં સામે આવી છે. શનિવારે રાત્રે કેમ્પગ્રાઉન્ડમાં એક મ્યુઝિક શો નજીક સામૂહિક ગોળીબારમાં ઓછામાં ઓછા બે લોકો માર્યા ગયા અને ત્રણ ઘાયલ થયા.
શૂટરની ધરપકડ
પોલીસે જણાવ્યું હતું કે તેઓને રાત્રે 8:30 વાગ્યાની આસપાસ જ્યોર્જ શહેરની નજીકના કેમ્પ સાઇટ પર ગોળી ચલાવવાનો ફોન આવ્યો હતો. ત્યાર બાદ પોલીસ અધિકારીઓ ઘટનાસ્થળે પહોંચી ગયા હતા. અધિકારીઓએ શંકાસ્પદનો પીછો કર્યો, જેને બાદમાં કસ્ટડીમાં લેવામાં આવ્યો.
ફાયરિંગની ઘટનામાં બે લોકોના મોત થયા હતા
પોલીસે જણાવ્યું હતું કે ફાયરિંગની ઘટનામાં પાંચ લોકો ઘાયલ થયા હતા, જેમાંથી બે લોકોનું પાછળથી મોત થયું હતું. જ્યારે અન્ય ત્રણ ઘાયલ છે. પોલીસે જણાવ્યું કે જ્યારે ગોળીબાર થયો ત્યારે મ્યુઝિક શો ચાલુ હતો.
તમને જણાવી દઈએ કે અમેરિકાથી અવારનવાર ફાયરિંગની ઘટનાઓના સમાચાર સામે આવતા રહે છે. અમેરિકામાં છરાબાજી અને ગોળીબારની ઘટનાઓમાં વધારો થયો છે.
