 |
| તસવીર માં કપાયેલ અંગુઠો અને ઘાયલ કિર્તીભાઇ દલિત દેખાય છે. |
Today Gujarati News (Desk)
પાટણ નાં કાકોશી ગામમાં ખુલ્લેઆમ ગુંડાગર્દી કરતા સાત ઈસમોએ નજીવી તકરારમાં એક દલિત યુવક પર હુમલો કર્યો હતો.જેમાં દંડા,ધોકા અને તલવાર, ધારિયા સાથે આવેલ હુમલાખોરોએ એક દલિત યુવક ને ઘેરી લોહીલુહાણ કર્યો હતો.જેમાં તલવાર નો ઘા મારતાં યુવકે હાથ આડો કરતાં તેનો અંગુઠો હાથ થી અલગ થઈ રોડ પર પડ્યો હતો.આ જીવલેણ હુમલામાં ધાયલ યુવકને પ્રથમ પાલનપુર અને તે બાદ સારવાર અર્થે અમદાવાદ ખસેડાયેલ છે.
આ અંગેની વિગત જોઈએ તો પાટણ જિલ્લા નાં સિદ્ધપુર તાલુકાના કાકોશી ગામમાં રહેતા ધીરજભાઈ પાનાભાઈ વણકર પોતાના ભત્રીજા હર્સિદનો બર્થ ડે હોઇ ,તેને લઈને રવિવારે કાકોશી ગામમાં આવેલી આઇ. ડી.સેલિયા સ્કૂલ ખાતે ચાલતી ક્રિકેટ મેચ જોવા ગયો હતો.જોકે મેચ દરમ્યાન રમતના મેદાનમાં ક્રિકેટ બોલ નજીક આવતા દલિત યુવકે આ બોલ ઉપાડ્યા બાદ તકરાર ઊભી થઈ હતી.અને આ તકરાર તે બાદ વેરની વસૂલાતમાં પરિણમી હતી.જેમાં ઉશ્કેરાયેલા ક્રિકેટ રમતા યુવકોએ પોતાનાં જૂથના માણસો બોલાવી,હથિયારો સાથે હુમલો કરી,દલિત યુવક કિર્તીભાઇ વણકરને લોહીલુહાણ કર્યો હતો.આ હુમલા માં દલિત યુવક નો અંગુઠો કપાઈ ને હાથ થી અલગ થયો હતો.આ મામલે પોલીસે દલિત યુવકની ફરિયાદ આધારે 7 હુમલાખોરો વિરૂદ્ધ ફરિયાદ નોંધી છે.
 |
| FIR માં નોંધાયેલ સાત આરોપીઓ નાં નામ |
આ તકરાર નું કારણ માત્ર એટલુજ હતું કે ક્રિકેટ ગ્રાઉન્ડ પર પ્રેક્ષક બની મેચ જોવા આવેલ યુવકે મેદાનનો બોલ નજીક આવતા તેને પકડ્યો હતો. અને ક્રિકેટ રમતા યુવાનોએ આ બોલ કેમ પકડ્યો તેમ કહી ,તકરાર કરી,અદાવત રાખી ,પીડિત યુવક પર જીવલેણ હુમલો કરી,તેનો અંગુઠો કાપી નાખ્યો હતો.
આ અંગે તપાસ અમલદારે જણાવ્યું હતું કે આ ઘટના ગત રવિવાર ની છે.અને ક્રિકેટ ગ્રાઉન્ડ ની તકરાર માં પીડિત કિર્તીભાઇ વણકર ને કાકોશી ગામે હુમલાખોરો એ ટાર્ગેટ બનાવી માર માર્યો હતો.આ હુમલામાં હુમલાખોર કુલદીપ રાજપૂત,સિદ્ધરાજ સિંહ, રાજુ,જશવંતસિંહ,ચકુભા, મહેન્દ્રસિંહ સહિતના 7 હુમલાખોરો વિરૂદ્ધ એટ્રિસિટી,ગેરકાયદેસરની મંડળી બનાવી હુમલો,સહિત,સ્વૈચ્છિક રીતે ખતરનાક હથિયારોથી ગંભીર ઈજા પહોંચાડવી,ગુનાહિત ધાકધમકી,તેમજ અન્ય સંબંધિત જોગવાઈઓ હેઠળ એફઆઈઆર નોંધવામાં આવી છે.
 |
| ફોટો કેપ્સન : તલવારના ઘા થી હાથની હથેળી થી કપાયેલ અંગુઠો |
હાલ ફરિયાદ બાદ પોલીસે ભાગી ગયેલ આરોપીઓને પકડવાના વિવિધ ટીમો બનાવી તપાસ શરૂ કરેલ છે
