Today Gujarati News (Desk)
સૂર્યગ્રહણ અને ચંદ્રગ્રહણ એક ખગોળીય ઘટના છે, પરંતુ જ્યોતિષ શાસ્ત્રમાં ગ્રહણનું વિશેષ મહત્વ જણાવાયુ છે. આ વખતે વર્ષનું પહેલુ સૂર્ય ગ્રહણ 20 એપ્રિલ 2023એ થવાનું છે, જેની પ્રત્યેક વ્યક્તિ પર ગમે તે રીતે અસર જોવા મળશે. આ વખતે સૂર્ય ગ્રહણ દરમિયાન સૂર્ય મેષ રાશિમાં હશે. હિન્દુ પંચાંગ અનુસાર આ દિવસે વૈશાખ મહિનાની અમાસ તિથિ પણ છે. જ્યોતિષ ગણના અનુસાર એક જ દિવસમાં 3 સૂર્ય ગ્રહણ જોવા મળશે. આ સૂર્ય ગ્રહણને વૈજ્ઞાનિકોએ હાઈબ્રિડ સૂર્ય ગ્રહણનું નામ આપ્યુ છે.
વર્ષનું પહેલુ સૂર્યગ્રહણ 20 એપ્રિલ 2023ના દિવસે ગુરૂવારે થવાનુ છે. આ ગ્રહણ સવારે 7:04થી શરૂ થશે જે બપોરે 12.29 પર સમાપ્ત થશે. આ વખતે સૂર્યગ્રહણનો સમયગાળો 5 કલાક 24 મિનિટનો હશે. જ્યોતિષ શાસ્ત્ર અનુસાર સૂર્યગ્રહણ પહેલા સૂર્ય રાશિ પરિવર્તન કરશે. જોકે વર્ષનું પહેલુ સૂર્યગ્રહણ ભારતમાં જોવા મળશે નહીં. જેના કારણે ત્યાં આનો સૂતકકાળ માન્ય હશે નહીં.
ત્રણ પ્રકારના સૂર્યગ્રહણ
આ વખતનું સૂર્યગ્રહણ ખૂબ ખાસ થવાનું છે કેમ કે આ 3 રૂપોમાં જોવા મળશે. જેમાં આંશિક, પૂર્ણ અને કુંડલાકાર સૂર્યગ્રહણ સામેલ છે.
શું હોય છે આંશિક સૂર્યગ્રહણ
આંશિક સૂર્યગ્રહણમાં ચંદ્ર સૂર્યના નાના ભાગમાં આવીને તેની રોશનીને પ્રભાવિત કરે છે. આને આંશિક સૂર્યગ્રહણ કહેવાય છે.
શું હોય છે કુંડલાકાર સૂર્યગ્રહણ
કુંડલાકાર સૂર્યગ્રહણમાં ચંદ્ર સૂર્યની વચ્ચોવચ આવીને રોશનીને રોકે છે. એવી સ્થિતિમાં સૂર્યની ચારે તરફ ચમકદાર રોશનીનો ગોળો બની જાય છે અને વચ્ચે અંધારૂ થઈ જાય છે. આને રિંગ ઓફ ફાયર પણ કહેવામાં આવે છે. આ સ્થિતિ કુંડલાકાર સૂર્ય ગ્રહણ કહેવાય છે.
શું હોય છે પૂર્ણ સૂર્યગ્રહણ
જ્યારે પૃથ્વી, સૂર્ય અને ચંદ્ર એક દિશામાં હોય છે ત્યારે પૃથ્વીનો એક ભાગ સંપૂર્ણરીતે અંધારામાં ડૂબી જાય છે. આ સ્થિતિને પૂર્ણ સૂર્યગ્રહણ કહેવામાં આવે છે.
શું છે હાઈબ્રિડ સૂર્યગ્રહણ
આંશિક, પૂર્ણ અને કુંડલાકાર સૂર્યગ્રહણનું મિશ્રણ જ હાઈબ્રિડ સૂર્યગ્રહણ કહેવાય છે. આવી સ્થિતિ લગભગ 100 વર્ષમાં એક વાર જોવા મળે છે. આ સૂર્યગ્રહણ દરમિયાન ચંદ્રનું પૃથ્વીથી વધારે કે ઓછુ અંતર હોતુ નથી. આ સૂર્યગ્રહણ દરમિયાન સૂર્ય અમુક સેકન્ડ માટે રિંગ જેવી આકૃતિ બનાવી લે છે. જેને રિંગ ઓફ ફાયર કહેવામાં આવે છે.
